ექსკურსია უმაღლეს საბჭოში

აჭარის უმაღლესი საბჭოს საქმიანობით დაინტერესებულ პირებს შეუძლიათ, ახალი ვებპლატფორმის -chaerte.sca.ge-ს საშუალებით, ელექტრონულად ჩანიშნონ ექსკურსია უმაღლეს საბჭოში  და შენობის დათვალიერებასთან ერთად, გაეცნონ საკანონმდებლო საქმიანობას.  

ექსკურსიის ჩანიშვნა შეუძლია აჭარის წარმომადგენლობითი ორგანოს საქმიანობით დაინტერესებულ მოქალაქეთა ჯგუფს.

ექსკურსია შეიძლება დაიგეგმოს ზოგადად - უმაღლეს საბჭოში, ან თემატურად - პლენარულ სხდომაზე, დარგობრივ კომიტეტებში, ან უმაღლესი საბჭოს აპარატში, მოთხოვნის შესაბამისად. 

ექსკურსიის მსვლელობისას, შესაძლებელია, შეხვედრა უმაღლესი საბჭოს თავმჯდომარესთან, ან უმაღლესი საბჭოს ცალკეულ წევრთან.

უმაღლესი საბჭოს შენობაში ექსკურსიები მოიცავს:

• შენობის დათვალიერებას და მისი ისტორიის გაცნობას
• საბჭოს საერთაშორისო ურთიერთობების მიმოხილვას და დელეგაციებისგან მიღებული საჩუქრების დათვალიერებას
• უმაღლესი საბჭოს მიერ წინა წლებში განხორციელებული საქმიანობის მოკლე მიმოხილვას
• უმაღლესი საბჭოს, მისი სტრუქტურების ფუნქციების და გეგმების შესახებ საინფორმაციო შეხვედრას
• ჩართულობის ცენტრის დათვალიერებას და მოქალაქეთა ჩართულობის სხვადასხვა მექანიზმის შესახებ ინფორმაციის მიღებას

გაეცანით საინფორმაციო ვიდეოს ექსკურსიის შესახებ: 

დასაგეგმად, გთხოვთ, დაგვიკავშირდეთ ქვემოთ მითითებულ ტელეფონის ნომერზე ↓