კანონპროექტი

პრაქტიკაში წამოჭრილი პრობლემური საკითხების გათვალისწინებით, კანონპროექტის მიღების მიზეზია "აჭარის ავტონომიური რესპუბლიკის ქონების მართვისა და განკარგვის შესახებ" აწარის ავტონომიური რესპუბლიკის კანონით დაურეგულირებელი საკითხის რეგლამენტაცია. წარმოდგენილი საკანონმდებლო ინიციატივა ხელს შეუწყობს აჭარის ავტონომიური რესპუბლიკის ქონების განკარგვის პროცესში არსებულ ან/და მოსალოდნელი პრაქტიკული პრობლემის ეფექტურად გადაწყვეტას. კერძოდ, კანონის მოქმედი რედაქცია არ ითვალისწინებს, რომ პირს შეიძლება საკუთრებაში გადაეცეს მის მიერ დაზიანებული, აჭარის ავტონომიური რესპუბლიკის საკუთრებაში არსებული ან/და ხელისუფლების ორგანოს/საჯარო სამართლის/ არასამეწარმეო (არაკომერციული) იურიდიული პირის ბალანსზე რიცხული მოძრავი ნივთი, ამ ნივთის დაზიანებამდე არსებული საბალანსო ღირებულების არანაკლები ღირებულების ნივთის მიღების სანაცვლოდ. აქედან გამომდინარე, ვინაიდან აღნიშნული კუთხით არის საკანონმდებლო ვაკუუმი, პრაქტიკაში ხშირია ხსენებული მიმართულებით პრობლემები.